Vash o proyekti

Ekipa e Yekune Themyengi ani Kosova (UNKT) dela socio –ekonomikune respodipya vash e akanutni pandemia COVID-19. Trin UN agencie: IOM, UNHCR thay UN Women shrdinde o khetano implementipe e proyektesko “Mamuy maripe e hor ovipesko e anglo-egzistime nayekhipyengo ani Kosova prekal COVID-19 azhutindoy e na buderune komuniteten thay odola e violencako ani familia”. Proyekti sile pe resipe te adresinel o publikuno sastipe ayekha vi humanitarune thay evolviripeske sfide kotar pandemia pe nakhipe.

Proyekti sito financimo kotar Yekhune Themyengi COVID-19 Respodipe thay Laqharipesko Multi Partnerengo Pakyavipesko Fondi kerdo vash te azhutinel e qalavden kotar ekonomikune pharipya thay socialune ulavipya.

Ajukerdo rezultati:

May qalavde manusha ani targetimi zona garavena o khuvipe ano garavipeske mekanizmya thay ekonomikune.

Targetime vijayutne:

May qalavde jene e na-buderune komunitetengo, mekhle thanutne (MT), irande, thay odola kay jivdinde e violenca ani polyuni baza (VPB) thay violenca ani familia (VF) kola qalavdile kotar pandemia COVID 19. Ulavdi sama ka dengyol e polyune nayekhipyenge thay phikoindoy o yekhuno akcesi vash socialune servisya thay ekonomikune resursya.

Targetime komune (numay na si limitime):
  • Fushë Kosovë/ Kosovo Polje
  • Graçanicë/Gračanica
  • Istog/Istok
  • Kamenicë/Kamenica
  • Pejë/Peć
  • Mitrovicë/Mitrovice
  • Prishtinë/Priština
  • Novobrdë/Novobrdo
  • Gjakovë/Djakovica
  • Ferizaj/Urosevac
  • Obiliq/Obilic
  • Kline/Klina
  • Gjilan/Gnjilane
  • Prizren/Prizren.
Aktivitetya:

Proyekti ka phikoinel e targetime vijayutnen vash te nakhaven o direktune thay indirektune efektya kotar e pandemia COVID-19 prekal o sahastardo akcesi ani sinergia e yaver intervenipyencar sar si pe nakhipe.

Socialuno garavipe thay bazikune servisya:
  • Bipokipeske servisya vash sastipeske khera vash odola kola nashti te ovelolen akcesi ano sastipeske institucie (primaruno dikhipe, bazikune drabya, dietake specifikune mangipya, ty.)

  • Bipokipeski psikolojikuni asistenca

  • Yuridikuno azhutipe vash MT thay irande.

  • Onlayn treningya vash institucie angazhime ani buti mamuy violenca ani polyuni baza thay ani familia

  • Keripe e Siguripeske Planyengo vash Garavipeske khera vash te garantinen o garavipe olenge stafesko thay thanutne ani emergentuni situacia

  • Evolviripe e S.O.S mobilyune telefonya vash te sigurinen digitaluno alosaripe vash te den shaipe te lociringyon o MT/VF jene thay siguripe vash olenge akcesi ano bazikune servisya

  • Fokus grupenge diskusie e MT thay irande juvla thay e kotorleipeya e uqe niveleske personalitetengo

Socialuno garavipe thay bazikune servisya:
  • Siguripe e qaquna informaciako thay pakyavutna informaciako vash angloaqhavipe e sebepesko e komunikipesko, sar ini mase lele kotar mangle institucie, ano sah ofisialune qhibya ani Kosova

  • Deipe e polyune sensitivune rekomandipyengo vash o juvla ano garavipeske khera ano respodipe e pandemiako

  • Tikne grantya vash juvla ano garavipeske khera vash te shrden o biznesi

  • Treningo ano butyako than vash na-buderune komunitetenge jene

  • Profesionaluno trenigno vash mekhle thanutne thay irandeOrientipe e karierako, godideipe vash buti thay qhivipe/ keripe e khelipesko

  • Orientipe e karierako, godideipe vash buti thay qhivipe/ keripe e khelipesko

Hramipe: Na sah o aktivitetya ka phiravgyon ano sah komune

Mekanizmi e referipesko

Ka evolviringyol yekh referipesko mekanizmi vash te ovel sar yekh purt mashkar o vijayutne thay dende servisya kotar o proyekti thay/vay thanutne institucie vay yaver organizacie. Mekanizmi ka adresingyol khetane kotar phiravipeske UN agencie e uqe standardeya e detalyenge thay etikune garavipesko Ov ka phiravgyol ano ledeipe e lokalune instituciencar, organizacie thay rafin e volonteryengi.

Vash e organizacia:

IOM - Internacionaluni Organizacia vash Migripe – sitoy sheruni mashkarraipyengi organizacia ani umal e migripeski. Kerindoy buti ano naturalune katastrofe, kerde krize kotar o manush thay buhle kontekstya e mekhle thanutnipesko, IOM sile pe resipe te del koordinimo azhutipe, ano vahti thay specifikuno vash kontaksti vash populacia kay silen mangipe, astarindoy numay ini na samatredindoy numay vash o mekhle personya andar o than, nashle manusha, yaver migrantya, thay ajukerde komunitetya. IOM ayekha vi kerla buti ano kontekstya e krizenge vash te adresinel e phiravutnen thay sherune sebepya e mekhle thanutnipesko vash te promovinel o lunge vahtune alosaripya vash individya, familie thay komunitetya.

UNHCR - Yekhune Themyengo Uqo Komisioneri vash Nashle Manusha – sile buhli eksperienca ano gatisaripe thay reagipe pedral urgence thay ani buti vash o phare situacie kana o phiripya siton samatredime. UNHCR angazhingyola ano efektivuno garavipe thay azhutipe vash o may qalavde komunitetya thay izolume MT thay irande, phikoindoy o autoritetya vash evolviripe e legislativune ramengo thay administrativune ani umal e azileski thay savahtuno alosaripe vash e mekhle thanunti populacia. Zorakerindoy o janipya e institucienge ano centraluno niveli thay komunako, UNHCR vazdela o efektivuno phiravipe e legislaciako, ano phanglipe e mashkarthemutne standardyencar.

UN Women - sito bazirimo ani vizia yekhipeski dikhlardi ani Karta e Yekhune Themyengi. Kerela buti vash eliminipe e diskriminipesko pedral o juvla thay qhaya, zorakeripe e juvlengo thay polyuno yekhipe ano resipe e evolviripesko, manushikane hakayengo, humanitaruno ovipe thay tromalipe thay siguripe. UN Women kerela buti e raipeske instituciencar ano lokaluno thay centraluno niveli, avrune aktorya, civiluno malipe, mashkarthemutne organizacie, kriselin, policia, avokatya e viktimyenge thay olenge reprezentya thay yaver partnerya vash te sigurinel kay o polyune darakeripya te oven integrime andar UN politike, programya thay aktivitetya.

MPTF-factsheet.pdf